A Red, Red Rose
by Robert Burns

O my luve’s like a red, red rose,
That’s newly sprung in June;
O my luve’s like the melodie
That’s sweetly play’d in tune.

As fair thou art, my bonnie lass,
So deep in luve am I;
And I will love thee still, my Dear
Till a’ the seas gang dry.

Till a’ the seas gang dry, my Dear,
And the rocks melt wi’ the sun;
I will love thee still, my Dear
While the sands o’ life shall run.

And fare thee weel, my only Luve!
And fare thee weel, a while!
And I will come again, my Luve,
Tho’ it were ten thousand mile!

Home * Wedding Poems * Wedding Vows * Wedding Toasts
Wedding Humor * History of Weddings * Email Us * Links * Privacy Policy
All Rights Reserved
Copyright 2005 Stephen Curley